منتدى شــــــــبـــــــــاب الـــــــفــــــــــيــــــوم





<iframe align="center" src="http://www.wathakker.net/outdoor_strip_wisdom.html" frameborder="0" allowtransparency="1" scrolling="no" width="270" height="170"></iframe>



 
الرئيسيةالبوابةاليوميةس .و .جمكتبة الصوربحـثالمجموعاتالتسجيلدخول

شاطر | 
 

 قصائد ( آخر الصعاليك المحترمين )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عابر سبيل
فيومى على حق
فيومى على حق
avatar

ذكر
عدد الرسائل : 550
العمر : 29
تقييم العضو :
0 / 1000 / 100

نقاط : 9424
تاريخ التسجيل : 23/01/2010

مُساهمةموضوع: قصائد ( آخر الصعاليك المحترمين )   السبت أبريل 16, 2011 1:31 am



انا حبيت انقل لكم مجموعة من قصائد أحمد فؤاد نجم
شاعر باحترمه جدا وباحبه جدا
فيه بعض القصائد كنت نقلتها سابقا لكنى سأعيد نقلها مرة أخرى
وهابدأ بقصيدة باحبها جدا ( بعد اذن الأعضاء )

كلمتين ( الى مصر )



كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي ( اللؤلؤ) بابتسامتك

يحكوا أسرار المحار

يللي ساكنة القصر عالي

إيمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير بشاير

زهرة الصبار يا سلمى

يا نسيم الشوق يا طاير يا طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين

الرجوع الى أعلى الصفحة اذهب الى الأسفل
عابر سبيل
فيومى على حق
فيومى على حق
avatar

ذكر
عدد الرسائل : 550
العمر : 29
تقييم العضو :
0 / 1000 / 100

نقاط : 9424
تاريخ التسجيل : 23/01/2010

مُساهمةموضوع: رد: قصائد ( آخر الصعاليك المحترمين )   السبت أبريل 16, 2011 1:35 am

قصيده الممنوعات



ممنوع من السفر

ممنوع من الغنا

ممنوع من الكلام

ممنوع من الاشتياق

ممنوع من الاستياء

ممنوع من الابتسام

وكل يوم فى حبك

تزيد الممنوعات

وكل يوم باحبك

اكتر من اللى فات

حبيبتى يا سفينه

متشوقه و سجينه

مخبر فى كل عقده

عسكر فى كل مينا

يمنعنى لو أغير

عليكى أو أطير

بحضنك

أوأنام

فى حجرك الوسيع

وقلبك الربيع

اعود كما الرضيع

بحرقة الفطام

حبيبتى يا مدينه

متزوقه وحزينه

فى كل حاره حسره

وف كل قصر زينه

ممنوع من انى اصبح

بعشقك او ابات

ممنوع من المناقشه

ممنوع من السكات

وكل يوم فى حبك

تزيد الممنوعات

وكل يوم بحبك

اكتر من اللى فات


الرجوع الى أعلى الصفحة اذهب الى الأسفل
عابر سبيل
فيومى على حق
فيومى على حق
avatar

ذكر
عدد الرسائل : 550
العمر : 29
تقييم العضو :
0 / 1000 / 100

نقاط : 9424
تاريخ التسجيل : 23/01/2010

مُساهمةموضوع: رد: قصائد ( آخر الصعاليك المحترمين )   السبت أبريل 16, 2011 1:41 am

دى قصيدة فيها حاجة شدتنى جدا
بعد قراءة القصيدة هتلاقو فى وسط الكلام بيتكلمك عن يوم 25 وأيضا بيتكلم عن طلبة محتجين عند التحرير
والأهم أيضا ان هذه القصيدة كتبت فى شهر يناير

القصيدة اسمها

ورقة من ملف القضية



انت شيوعى

انا مصراوى

انتومصايب

انتو بلاوى

ممكن اعرف مين الأول

بيكلمنى

احنا نيابة أمن الدولة

دولة مين

دولة مصر

مصر العشه

ولآ القصر

أيوه حنبدى ندور ونلف

حاجه تنرفز خالص

اف

مالك.. شايل طاجن خالك

لم لسانك ما تخرفش

أنا ما اقصدش اهانتك طبعا

ايوه استعبط

لا ما اعرفش

ايه رأيك فى سفارة كوريا

ايه رأيك فى قضية مصر

مصر فى وحده

هى وسوريا وليبيا

ولازم ييجى النصر

ييجى منين و ازاى ولمين

آدى كلام الشيوعيين

أنا من حقى

حق فى عينك

أنا بتكلم بينى وبينك

يعنى كلام بره التحقيق

اذا كانش يسبب لك ضيق

طيب فول

مين مسؤل ؟

مين مسؤل عن ايه يا أخينا

ع اللى جرى لنا ف غزه وسينا

أنت شيوعى أكيد وطاوعنى

فض دمغك من دى قضيه

شعبنا جاهل

مهما تقول له

مش حيآمن بالشيوعيه

ما الشيوعيه فى فيتنام

ايه رأيك فيهم يا همام

مش بطال مش بطال

لكن احنا .. ورانا عيال

طب ما نحارب

لجل عيالنا

يطلعوا أسعد من اجيالنا

انت الظاهر مخك فاضى

وحتتعبنى معاك ع الفاضى

وأنا بحبت معاك بكفايه

ابقى اتفلسف عند القاضى

هى قضية ؟

لأ ملوخية

آمال فاهم ايه آمال

هى الدوله دى لعب عيال

ممكن أعرف أنا هنا ليه

أيوه حتعرف

أمال ايه

يوم خمسه وعشرين الماضى

ايه مشاك عند التحرير

تحرير ايه يا جناب القاضى

أنا مش فاضى

بكره تصير

بطل غلبه وجاوب دوغرى

أنا غلباوى كده من صغرى

كل الشيوعيين امثالك

آخر غلبه وقلة ذوق

يحصل ايه لو تمشى فى حالك

فاكر نفسك مين

ما تفوق

لو راح افوق

مش من مصلحتك

أما معجب جدا بصراحتك

أيه رأيك فى حكاية الطلبه

حاجه عظيمه بشرة خير

انت دماغك ينفع جزمه

وانت لسانك ينفع سير

أخرس قطع لسانك سافل

كتر خيرك

مخك قافل

مين وداك بقى عند الطلبه

رايح ضمن المندسين

رحت أناقشهم واسمع منهم

تسمع منهم ايه ياسى طين

دول عايزيين الدنيا تولع

علشان اصلا

مش فاهمين

هى الحرب يا عالم لعبه

دى بتتكلف بالملايين

وانت حتدفع ايه من جيبك

امال حدفع من جيب مين

انت حمار وخدوك فى مشمك

رحت هناك زى الباقيين

عاملين لجنه

وقال وطنيه

مش ممكن دول وطنيين

وجماعة انصار الثورة

وفلسطين وهباب الطين

ما نخلينا يا سيدى فى حالنا

مالناومال الفدائين

هو احنا اللى نهبنا بلدهم

دول عالم صيع فاقدين

قتلوا الراجل عند الشيرتون

واحنا اللى طلعنا القاتلين

وصفى التل ده كلب وخاين

اهو كل العالم خاينين

واحد صاحبى مراته مرافقه

وهو مرافق

ييجى عشرين

أمريكا بتزعل وبتحزن

هو احنا يا عالم ناقصين

مش نستعبر

م اللى جرالنا

ونعيش بقى زى العايشين

دى عيال عملا للشيوعيه

واحنا عدو الشيوعيين

روق دمك بس يا بيه

مين مساعدكو بفالو سنين

بيساعدونا صحيح يا سى بعجر

علشان أصلا مش فاهمين

احنا حليتنا منين نديهم

ونسددهم بالملايين

يمكن يعنى قضية مبدأ

مبدأ مين وزكايب مين

هى دى عالم تعرف مبدأ

دول بقول لك

ناس مجانين

اخترعولنا السد العالى

علشان نبقى اشتراكيين

اشتراكيه هناك فى بلدهم

واحنا فى دارنا

نعيش حريين

عايزيين الفلاح الجاهل

يتساوى بالمحترامين

وكمان قال

تحديد ملكيه

أبو ألفين

يدوه خمسين

شغل ملاحده وعالم كفره

ومخالفين احكام الدين

والعمال راخرين اسم الله

فاهمين روحهم

بنى آدميين

ناس عايزين الحرق بولعه

دا كله من الشيوعيين

نشروا لنا الأفكار السوده

أولاد الكلب الملاعين

مين وداك بقى عند الطلبه

انطق قول

اتكلم مين

هما ايه مطالبهم ؟

انت حتستجوبنى يا شاطر

لأ مش قصدى

بس أنا بسأل

كانو طالبين كراريس ومساطر

ولا مطالب ميه الميه

كل الشعب مآمن بيها

دول طالبين حرب وشعبيه

مين مجنون بقى

حيمشيها

عايزين يدوا الرتش سلاح

عشان تحصل فيها مجازر

أنا لو أشوف حلوف فلاح

شايل شومه

لازم اهاجر

لازم بينه وبينك دم

دم ف عينك

هس اتلم

ثم نحارب ليه

وبأيه

بسلاح ما يموتش بعوضه

روق دمك بس يا بيه

الحرب ضروره ومفروضه

واهو نفس سلاحنا المظلوم

فى فيتنام دابح أمريكا

دى طبيعه أرض يابتى آدم

بطلوا بقى كدب وبولوتيكا

طب ما الهند بنفس سلاحنا

فى باكستان

بعزقت الغرب

رأيك يعنى ضرورى ان احنا

وحتما يعنى نخش الحرب

طيب

حاضر

فين المخبر

حتغير رأيك

بالضرب
الرجوع الى أعلى الصفحة اذهب الى الأسفل
عابر سبيل
فيومى على حق
فيومى على حق
avatar

ذكر
عدد الرسائل : 550
العمر : 29
تقييم العضو :
0 / 1000 / 100

نقاط : 9424
تاريخ التسجيل : 23/01/2010

مُساهمةموضوع: رد: قصائد ( آخر الصعاليك المحترمين )   الإثنين أبريل 18, 2011 11:22 am

جيــــــفارا مات


جيفارا مات

جيفارا مات

آخر خبر فِ الراديوهات

و فِ الكنايس

و الجوامع

و فِ الحواري

و الشوارع

و عَ القهاوي و َ البارات

جيفارا مات

جيفارا مات

و اتمد حبل الداردشة و التعليقات

********

مات المناضل المثال

يا ميت خسارة عَ الرجال

مات الجدع فوق مدفعه جوّه الغابات

جسّد نضاله بمصرعه

و من سُكات

لا طبالين يفرقعوا

و لا اعلانات



********

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين (1)

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع (2)

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال



*******

يا شغالين و محرومين

يا مسلسلين (3)

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم

خلاص
الرجوع الى أعلى الصفحة اذهب الى الأسفل
عابر سبيل
فيومى على حق
فيومى على حق
avatar

ذكر
عدد الرسائل : 550
العمر : 29
تقييم العضو :
0 / 1000 / 100

نقاط : 9424
تاريخ التسجيل : 23/01/2010

مُساهمةموضوع: رد: قصائد ( آخر الصعاليك المحترمين )   الإثنين أبريل 18, 2011 11:24 am

يـــــــــــــــا عرب





يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..
و انتو عارفين شعب مصر

يا عرب يا عرب يا أهل مصر

----------------------------

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر
----------------------------

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

-------------------------

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر









اتـــــجمعو العشاق




اتجمعوا العشاق في سجن القلعة ... اتجمعوا العشاق في باب الخلق

و الشمس غنوة من الزنازن طالعة .. و مصر غنوة مفرعة في الحلق

تجمعوا العشاق بالزنزانة .... مهما يطول السجن مهما القهر

مهما يزيد الفجر بالسجانة .. مين اللي يقدر ساعة يحبس مصر

...............

تجمعوا و العشق نار في الدم ..... نار تحرق الجوع و الدموع و الهم

نار تشتعل لما القدم ينضم .... لما الايادي تفور في لم اللحم

و اللحم متنتور في رملة سينا .... و الكدب بيحجز على أيادينا

قدم العدو غارسة في لحم ترابي ... و الكدب عشش مخبرين على بابي

و المخبرين خارجين كلاب سعرانة ... بيجمعوا العشاق في الزنزانة

...............

مصر النهار يطلقنا في الميادين .. مصر البكا .. مصر الغنا و الطين

مصر الشموس الهالة من الزنزانين .. هالة و طارحة بدمنا بسا تين

مصر الجناين طرحة مين يقطفها .. مصر الجناين للي يرفع سيفها

مهما يطول السجن مهما القهر .. مهما يزيد الفجر بالسجانة

مين اللي يقدر ساعة يحبس مصر
الرجوع الى أعلى الصفحة اذهب الى الأسفل
عابر سبيل
فيومى على حق
فيومى على حق
avatar

ذكر
عدد الرسائل : 550
العمر : 29
تقييم العضو :
0 / 1000 / 100

نقاط : 9424
تاريخ التسجيل : 23/01/2010

مُساهمةموضوع: رد: قصائد ( آخر الصعاليك المحترمين )   الثلاثاء أبريل 19, 2011 2:08 am




سقطت سايغون




أبجد هوز .. حطي كلمن

إقلب صفحة .. امسك قلم ٌ

اكتب زي الناس ما بتنطق

سقطت سايغون رفعوا العلم ٌ

..........

طلعت شمس اليوم ده أغاني

كل ما نسمع نعشق تاني

طلعت شمس اليوم ده حريقة

تكوي الجرح و تبري الالم ٌ

.....

سايغون عادت للثوار

فوق الدم و تحت النار

جدّوا فوجدوا .. زرعوا فحصدوا

و إحنا إيدينا للسمسار

و إللي قالوه السمسارجية

و اللي حكاه السمساردار

لما قروه القرونجية

بالمستعجل و المندار



هشت و نشت يعزم الصوت

عن أمريكا و هول أمريكا

زعموا الفانتوم حامل موت

سقط الكوت بعلم أمريكا

جاتكو فضيحة يا طبقة سطيحة

و عاملة فصيحة و جايبة العار

فصحانجية و كلمانجية و سمسارجية

و سمسار دار






غـــــــــــــــابة



غابة كلابها ديابــــا ... و نازلين في الناس هـم
و اللي ينام في الغابة ... رح يتاكل هــــــــم
و اللي يدور وشـــــو ... في غمضة عين يتهــــــم


و اللي يغيب عن جحرو .. لاجل القوت و المم
يتخان من ورا ظهرو ... او يتاخد خم
غابة بتاكل ميتة ... غابة بتشرب دم


غابة كلابها ديابا ... نازلين بالناس هم
غابة و ناسها غلابة .. خيخة لا ناب و لا فم
متكلين عالصدفة .... متاكلين بالهم


و احنا يا ملح الغابة .. هم يحرك هم
ضايعين و سط ديابا .. مش فاضيين نهتم
فاهمين و بنتغابا ... مش راضيين نتلم





نكســـــــــون



شرفت يانكسون بابا يا بتاع الوترغيت

عملولك ايمة وسيمة سلاطين الفول و الزيت

فرشولك اوسع سكة من راس التين على مكة

وهناك تنفد على عكا ويقولوا عليك حجيت

____________________________________

عزموك فقالوا تعالا تاكل بابمبون وهريسة

امت لانك مهيف سدءت انحنا فريسة

هات وشك خودلك تفة طبعا شلا يا صحاب البيت

___________________________________

خد منى كلام يبئالك ولونك موش حتعيش

لاحؤول أهلا ولا جهلا ولاتجى ولا ماتجيش

بيقولوا اللحم المصرى مطرح مابيسرى بيهرى

ودا كولوا من تاثير الكوشرى والفول أبو سوس بزيت






الرجوع الى أعلى الصفحة اذهب الى الأسفل
 
قصائد ( آخر الصعاليك المحترمين )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شــــــــبـــــــــاب الـــــــفــــــــــيــــــوم  :: المنتديات الادبية :: منتدى الشعر الفصيح-
انتقل الى: